18th Birthday ni Tippie sa Island Cove

U is for Una, Unan, Une

12/28 - 12/29/05 For the first time in my life, ngayon pa alng ako nakakapasok & makakatulog sa isang hotel. Yoh! Thanks for making a dream come true. ^_^ Nagmotor kami ng tatay ko papunta kina Tippie dahil ma-traffic papunta sa kanila. Dinala ko 'yung red gumamela bag ng nanay ko & 'yung mga langaw ko (fruitfly culture bottles ng RAMC2 & Test Cross) dahil hindi pwedeng ipagpaliban ang pagdidikit ng langaw sa notebook. Nang dumating ako kina Tippie, nandoon na si Tonielie. Hindi ko nga siya masyadong nakilala dahil nagbago na ang mukha niya, hindi na 'yung hitsura niya noong elementary. Acrylic painting ng geisha ang regala niya kay Tippie. Sabi pa niya, ingatan daw ni Tippie ang "baby" niya ('yung painting). Plastic blue box & strawberry Vic Pie naman ang regalo ko. Gusto ko ngang sabihing: Platic ang regalo ko, hindi ako. ^^; Binigyan ko rin si Tonielie ng mga kendi. Hayun, kwento-kwento: believe it or not. Sa UST nag-aaral si Tonielie ng Fine Arts. Hindi raw niya kinakaya ang nude painting - nahihimatay raw siya 'pag nakakakita ng nude model. Palibhasa, hindi nanonood ng porno. ^^; Kung ako siya, pagpipiyestahan ko ang mga mata ko *evil grin*. Binigyan kami ni Tippie ng tig-isang drawstring pouch na may lamang wooden dog (parang test tube brush) & friendship band. Parang green pea 'yung lock ng friendship band. ^^; Binigyan din kami ng tig-isang poster ng May You Always Feel Loved. Inabutan kami ng nanay niya ng Hershey Chocolate Nuggets. Bawal daw magdala ng pagkain sa loob ng Island Cove. 'Pag meron daw silang nasamsam, magbabayad ka sa kanila 3x ng presyo ng item na nasamsam (para bang kontrabando? ^^;). Itago raw namin sa bra 'yung chocolates. Paano kung walang bra? O.O Sinipon & inubo si Tonielie. Mahina raw ang resistensya niya dahil daw sa extra chromosome: XXx. Ako ang pinakamatanda sa aming tatlo, pero ako ang pinakamaliit. Umalis kami sakay ng kotse nina Tippie. Si Tippie sa kanan, ako sa gitna, & si Tonielie sa kaliwa. Dumaan kami sa gasolinahan. Patayin raw ang lahat ng celfone. Aba! Asenso na ang mga tricycle. Tarpaulin ng St. Dominic ang pantabing sa backride. Ibinaba kami sa entrance ng hotel, kasama ang mga bagahe. Astig 'yung decoration sa gitna ng lobby: mala-Hansel-&-Gretel na bahay. Gawa sa biskwit, crackers, & pastry. Natakot ako dahil baka inspeksyunin ang mga bag namin kung mayroon mang pagkain. Baka makita nila ang mga langaw ko & ipatapon. Kung alam ko lang na hindi iinspeksyunin ang mga bag, e di nagdala sa na ako ng pagkain. May hubad na puting istatwa sa tapat ng lobby. At 'yung kwarto namin, overlooking sa likod ng istatwa. What a butt! ^^; 220 ang room number namin. Parang 'yung room number nina Wing & Zoochi sa Koliseo sa Langit (Hunter X Hunter): 2207. At card ang susi. May 2 kama, isang CR, 1 TV, ! lampshade, ! tokador, 2 lamesa, 1 "reverse" stand lamp, 2 sofa, isang aircon, 1 midget ref, 1 cabinet, 1 bar, 1 telepono, & 1 security vault. Hindi mo mananakaw ang mga hanger sa loob ng kabinet dahil nakakabit ang mga ito sa sabitan. May balcony rin kung saan may 2 puting upuan & puting mesa (metal). Inilabas ko agad ang mga bote ko. Hah! Nag-moist pareho. Binalot ko kasi ng plastic, e. Naku! Baka mamatay ang mga langaw ko! Hinugasan ko agad ang labas ng mga bote & nilabhan ang mga takip na tela na lumagkit. Oras na ng pagdidikit. Inulan ako ng mga tanong tungkol sa langaw. Parang thesis daw. Naiwan ko naman ang nail polish. Naging desperado ako sa paghahanap ng nail polish pero walang mabilhan sa loob ng Island Cove. Inilagay ko ang mga hindi ko naidikit na langaw sa isang plastic. Naidikit ko lang sila pagka-uwi ko. Bumaba ang nanay & tatay ni Tippie. In-enjoy ko ang feeling ng sahig - carpeted kasi, e. Inilabas ko ang mga naipon kong sulat ni Tippie & binasa namin 'yung iba. Sana hindi nagtampo si Tonielie nang makita niya ang mga sulat. Hindi ko napanood ang Fruits Basket, pero ok lang. Umalis kami nung hapon para pumunta sa mga farm.

Butterfly Farm

May malaking puno ng talisay na nakatumba sa tabi ng daan. Kumuha ako ng isang malaking dahon na iniwan ko sa loob ng farm. Screen ang kisame ng Butterfly Farm. May halamang nakasabit sa kisame & 'yung ugat, nakalutang sa ere. 'Pag marami & magkakasama ang mga ugat, para silang native curtain. May mini-pond din sa isang parte ng farm. Wala raw masyadong paru-paro dahil pagabi na.

Bird / Fowl Farm

May malaking cage sa isang parte ng farm. Ang lalaki ng mga parrots. Gaya-gaya. 'Yung ibang ibon, hindi ko kilala. Ang kulit ng Hornbill, sinisipat pa 'yung camera ko. Maraming ostrich. Pasikat 'yung mga ostrich kapag kinukunan mo ng picture o video. Meron ding African Lovebirds, Pigeons, & Cassowary. Una kong nakita ang Cassowary sa Tagaytay. Kumuha si Tonielie ng balahibo ng ostrich.

Rabbit Farm

Maraming rabbit sa farm. Iba't-iba ang kulay & laki. May gray, white, black, brown, & may magkahalong kulay. Gumagawa sila ng sarili nilang mga tunnels. May sore eyes nga 'yung ibang mga rabbit dahil pula nag mga mata. ^^; Gusto kong hawakan 'yung mga rabbit. Ang cute. May kambing din sa kabilang farm, pero malayo sa amin.Snake FarmMay albino python & kung anu-ano pang ahas. Mayroon ding pagong sa pond. Itinanong ko, wala bang pagong na albino?

Crocodile & Monkey Farm

Maraming buwaya. Welcome to Senate/Congress! May "comatose" na buwaya sa entrance ng farm - hindi kasi gumagalaw, e. May music pa sa sa farm: Same Ground ni Kitchie Nadal. Galing 'yung ibang buwaya sa Palawan. Manok ang kinakain nila pero parang hindi nila inuubos. Baka inirereserba. May mga buwayang naglulunoy sa putik. Mud pack? ^^; Sa gitna ng crocodile farm, may monkey farm. Pasikat ang mga unggoy. Meron ding mahiyain. Naglalaro sila. Kung saan-saan umaakyat & naglalambitin. 'Yung iba lumalapit pa kapag may tao o camera. Meron ding nagkukutuhan & naglalambingan. My long lost relatives? ^^; Bumili kami ng Piattos. 'Wag raw kaming mag-alala dahil may supply ng drinking water sa kotse. Astig 'yung label ng CR sa farm: Tarzan sa lalaki & Jane sa babae.

Mga 6:30 ng gabi, kumain na kami ng hapunan sa Fishing Village. Hindi ako sanay kumain nang maaga dahil maaga rin akong magugutom. Kubo ang kainan. Matagal bago dumating ang pagkain kaya kwentuhan muna & picture-picture. Astig 'yung lababo nila: bato. At 'yung gripo, nakakabit sa banga. Kainan na! Nakalimutan ko na 'yung ibang ulam. Eto ang mga naalala ko: crispy kangkong (crispy? oo, dahil may breading), crispy crablets, ginataang puso ng saging, & ensaladang itlog na maalat. Umulan habang naghahapunan kami & lumakas pa nang makatapos kami kaya isa-isa kaming inihatid ng tatay ni Tippie papuntang kotse. Bumalik na kami sa hotel. Sumakit ang ulo ni Tippie kaya nahiga muna siya & natulog. Daldalan ulit kami: ako, si Tonielie, & nanay ni Tippie. Centralized daw ang aircon sa UST kaya sobrang lamig. Minsan daw na tangkaing holdapin si Tonielie, hinampas daw niya ng kwintas 'yung holdaper. Graduate pala ng BS Chemistry sa CEU ang nanay ni Tippie. Wow, Chemistry! Isa sa pinakaayaw kong subjects dahil involved ang numbers. Nainip kami ni Tonielie kaya naisipan naming mamasyal. Tumila na ang ulan kaya lumabas na kami ng hotel. Nagsuot pa ako ng jacket, e mainit naman pala sa labas. Pumunta kami sa may bowling-an pero sarado na yata. May Christmas party sa activity area. Nakita namin 'yung malaking chess set. Mabigat 'yung mga pieces & naipon ang tubig-ulan sa korona ng hari. May scientific name plates ang mga puno tulad ng garden malapit sa Prudentialife sa Makati. Nakita rin namin 'yung souvenir shop, playground, & golf course. Nakita namin 'yung vicinity map sa gilid ng cafeteria. Hinanap namin kung nasaan ang jacuzzi. Nasa likod lang pala ng hotel, e ang layo na ng narating namin. Pumunta kami sa Oceania. Nakapasok kami nang libre dahil sarado na & walang gwardiya. Malamig ang tubig sa pool. Maganda doon dahil malaki ang pool & maraming slides. Umalis na kami sa takot na mahuli ng gwardiya. Bumalik kami kung saan kami duamaan. Kinagat ako ng langgam sa paa. Pumapasok ang tubig sa loob ng tsinelas ko. Natakot ako sa isang mamang papalapit. Para kasing lasing. Hinanap namin ang daan papunta sa jacuzzi. Dumaan kami sa kaliwa ng hotel. Madilim. Hinawakan ko ang tubig sa pool. Malamig. Malamig din ang tubig sa jacuzzi. Naisip kong kaya malamig na ang tubig sa jacuzzi, edahil gabi na. Mga bata ang naliligo sa pool. Gusto ko sanang lumusong pero malapit nang mag alas-10 & tapos na ang oras ng paggamit ng pool. Bumalik na kami sa hotel. Maya-maya, nagising na si Tippie & naisipan nilang lumabas. Nagpaiwan ako sa kwarto dahil gusto kong basahin 'yung reference ko para sa course paper. Habang nagbabasa, biglang sumakit ang braso ko & parang mabibitak na naman ang balat ko sa mga daliri kaya naglagay ako ng lotion sa kamay. Humiga na 'ko sa kama. Maya-maya, dumating na sila. Sabi ni Tonielie, nakakuha raw sila ng tealights sa setting ng kasalan. Itatapon na raw kasi kaya kumuha siya ng 6. Nag-jacket ako bago matulog. Sa sofa sa tabi ng aircon natulog ang tatay ni Tippie. Sa sofa sa tabi ng pinto naman natulog ang nanay ni Tippie. Solo ni Tippie ang kama sa tabi ng bintana. Kami ni Tonielie ang nasa kabilang kama: ako sa kaliwa & si Tonielie sa kanan. Mga 12:30, nagising ako dahil sa hilik ng tatay ni Tippie. Humihilik din si Tonielie. Alternate pa nga sila, e. Umupo ako. Nakita ako ng nanay ni Tippie. Pinatagilid niya ang tatay ni Tippie para hindi maghilik. Dinaganan & inipit ko ang braso ko para hindi sumakit. Nakatulog na rin ako. Nagising ako nang madaling araw pero dahil wala pang gising sa aming tatlo kaya natulog ulit ako. Tuwing may magigising sa aming 3 & tulog pa ang iba, matutulog ulit ang nagising kaya tinanghali na kami. Hanggang 12:30 lang daw kami sa hotel dahil mayroon na raw ibang gagamit ng kwarto. Nag-brunch kami sa Fishing Village. Ang daming langaw! Masarap ang pagkain: crispy kangkong, crispy crablets, ampalaya, etc. Nangisda si Tippie sa Fishing Village. Nag-swimming kami ni Tonielie sa jacuzzi & pool sa likod ng hotel. Pumunta kami sa Oceania pero hindi kami nakapasok dahil kailangan daw ng permit. Sabi ko na nga ba, e. Bumalik kami sa likod ng hotel. Malalim ang tubig sa pool. Ibinaba pa ni Tonielie 'yung plastic chair sa ilalim ng pool para may matungtungan. Pagkaahon sa pool, nagshower kami & piniga ang mga damit namin. Basa pa rin kami sa pagpasok anmin sa hotel. Nanguha si Tonielie ng toiletries sa cart. Wala pa sila kaya naggala muna kami. Pagbalik namin sa pinto saka pa lang sila dumating. Wala raw nahuling isda si Strawhat Tippie dahil parang hipon daw ang pain, hindi uod. Naligo si Tonielie. Hindi na 'ko nakaligo kaya naghilamos na lang ako. Sayang! Hindi ko tuloy na-experience ang shower & bathtub. Kinuha ko 'yung isang sabon bilang souvenir. Umalis kami nang mga ala-1 ng hapon. Kinuha namin 'yung tealights sa trunk & pinaghati-hatian. naming 3. Nasa gitna ng square na capiz box ang kangila. Ibinaba nila ako sa tapat ng bahay namin. Yes! Makakanood pa ako ng Fruits Basket dahil eksaktong alas-2 ako naka-uwi. Pina-uwi na rin kasi ako ng nanay ko dahil wala raw tao sa bahay dahil nasa ospital ang lolo & lola ko, & wala ang tatay ko. Papakainin daw kasi niya ang mga pusa niya sa UE. =^^=

Reaction:

Happy 18th Birthday, Tippie! Kaya mo na, 'tol! Thank you for making a wish come true: ang makatulog sa hotel.Mag-vi-videoke o mag-bo-bowling sana kami nung gabi, kaya lang sumakit ang ulo ni Tippie. Pero ok lang. Hindi masaya kung kulang ang tropa, 'di ba? Sabi nga ni Tonielie: Sana gumaling na si Tippie / Sana wala nang sakit si Tippie. Sabi ko, oo nga, e. Sino nga ba naman ang gustong magkasakit? Kaya get well as soon as posible.Hindi ko inaasahang pwede pala kaming maging close ni Tonielie. Hindi pa rin naman siya nagbabago, maliban sa hitsura.

The CR
May bathtub sa CR, kaso madaling magbara/matagal bago lumubog ang tubig. May hot & cold know. Sabi ko, wala namang pinagkaiba,a. Meron pala. 'Yung cold, malamig ang tubig kahit gaano katagal nang dumadaloy. 'Yung hot, umiinit nang konti habang tumatagal na umaagos. May 2 basong nakataob & isang sabon sa soapdish. Naku, walang tabo! Kaya ginamit ko 'yung baso bilang tabo.
The Bar
May bar sa pagitan ng CR & pinto. May mga alak, tubig, & mani (pulutan?). Pero ano ka, ginintuan ang presyo. Napakamahal. 'Yung mineral water, P50. Meron ding menu. Mas mahal. Pinakamura na 'yung kanin, P45. 'Yung tapsilog nga, mahigit P100, e. Mas mahal pa ang tubig sa kanin. Tanging 2 bote ng mineral water ang libre. Kaya nga nabibilib kami sa mga pintuang may tray ng pagkain. Wow! Mayaman! Gusto ko ngang iuwi 'yung unan dahil malambot.
Sabi ni Tonielie, tinanggalan ko raw siya ng kumot. Sabi ko, hindi nga nahuhugot 'yung parte ko ng kumot sa ilalim ng kama, e. Sa kanya raw, nahugot. Sana sinabi niya sa akin o kaya, hinila niya sa akin 'yung kumot.